Kyk, ek doen mos nie krismis en die hele hype nie.  Gelukkig het ek nie kinders wat my mal maak met sinnelose geskenke nie, en ja, die hele gedoente steek my dwars in my krop en die liedjies wat baie binnekort weer gaan weergalm deur die crazy shoppingcentres gaan my spiere beproef.

Maar dan lees ek wenslysies van oumense en kindertjies, en my hart raak sag, en ek deponeer iets om ‘n paar behoewendes se dag ligter te probeer maak.

Ja, hier gaan Skoor alweer.  Vra en smeek gaan ek nie, ek laat jou self lees, voel, en dan besluit…

 

‘n 66 jarige man vra: ‘n Figuursaagie of skuurder – ek wil graag weer houtspeelgoed maak of ‘n koopbewys by Game of sommer enige iets asb

‘n 84 jarige oom vra: Toiletware of sommer iets wat lekker is asb

‘n 70 jarige oom vra: Elektriese boor – of ghrinner – of stel boore asb

‘n 68 jarige man vra: Plakkies nr 10 – of Onderbroeke large – of Mum for men spray en aanrol asb.

‘n 72 jarige oom vra: Mach 3 skeermeslemme – of deodorant – of seep asb

‘n 75 jarige oom vra: Hegpleister en sakdoeke – of toiletware – of pantoffels nr 10 asb

‘n 69 jarige man vra: Kouse – of naskeer middle – of ‘n handoek asb

‘n 68 jarige man vra: Klein radio – of kruideniersware – of broek nr 36 – of skoene nr 9

‘n 77 jarige oom vra: Enige koopbewys – of boorpunte – of pantoffels nr 8 asb

‘n 72 jarige oom vra: Enige iets wat ek kry sal ek voor dankbaar wees dankie. 

‘n 63 jarige dame vra: Enige iets – of dove seep produkte asb

‘n 70 jarige tannie vra: ‘n Badkamer matjie – of sonbrandolie nr 3 en hoër – of gesuikerde vrugte en lekkers asb.

‘n 75 jarige tannie vra: Baba poeier – of sjampoo (appelgeur) – of dawn handeroom

‘n 73 jarige tannie vra: Vleis – of eetgereg – of enige iets van waarde asb

‘n 67 dame vra: Dagboek met dagstukkies (Solly Osrovich) DVD van Juanita du Plessis – of suikervrugte en sjokolade asb.

‘n 72 jarige tannie vra: Dove produkte – of ‘n badhandoek – of kombuis vadoek asb

‘n 68 jarige dame vra: Toiletware – of lekker eetgoed – of handoek en waslap asb

‘n 59 jarige dame vra: Dubbelbed lakens – of badhandoeke – of ‘n elektriese klitser asb

‘n 63 jarige dame vra: Ultra Lift Pro-X (om plooie weg te vat) of – ‘n elektriese klitser

‘n 60 jarige dame vra: ‘n Blokkiesraaisel woordeboek, sakdoekies – of badolie – of lekkerruik seep.

 

BY DIE KINDERS:-

 7 jarige seuntjie vra:- Remoud karretjies of ‘n rappie bal of ‘n riemoud bootjie asb.

  • 12 jarige seun vra: Skytbord of nr 6 skoene of arem horlosie asb
  • 8 jarige seuntjie vra: Skone size 11 of speilgoed of ‘n fiets asb
  • 2 jarige outjie vra: Swemtjoep met ‘n frokkie of groot trok of groot speelbal asb
  • 11 jarige seuntjie vra: Fiets groot asb of ‘n rugby set die bal met ‘n place bakkie asb
  • 10 jarige seuntjie vra: Christelike DVD of klere of DVD met kinderstories groot asb
  • 11 jarige seun vra: Boycikel (fiets) of ‘n groot truk of ‘n sakerball (Sokkerbal)
  • 17 jarige seun vra: Sharks trui medium of sharks duvet stel vir enkelbed asb  
  • 9 jarige dogtertjie vra: Baby born of baby born se prem asb
  • 5 jarige dogtertjie vra:- Pop wat praat en ‘n opblaas swembadjie asb
  • 8 jarige dogtertjie vra: Baby born wat kan piepie en praat of ‘n prem vir die baby pop!
  • 8 jarige dogtertjie vra:’n New born baby of ‘n Bratz poppie of enige lekker badgoedjies
  • 10 jarige dogtertjie vra: Barbie pop of badgoedjies of hare goed asb
  • 16 jarige meisie vra: Horlosie wat sal hou, juwele en haarknippies en alyceband asb
  • 16 jarige meisie vra: Gremering (stel) of Hip-hop cd (Chris Brown) Naelstel (tips)
  • 7 maande dogtertjie: Prem of tedbears of ‘n pink towl asb

 BELANGRIK  

Dit maak egter nie saak wat/hoeveel ‘n persoon skenk nie – elke geskenkie is bitter welkom en gaan ‘n hartjie baie bly maak. Ons verpak die geskenke in mooi kleurvolle plastieksakke. Dit is baie handig en ons vul dit meeste van die tyd nog met lekkers en somtyds ook kruideniersware op. Die bedrag per geskenk is R80.00 asb. Ek glo dat mens hiermee ‘n lieflike geskenk vir elkeen kan koop. Ek wil nie graag skryfboehoeftes vir die kinders gee nie, dit doen ons aan die begin van die nuwe skooljaar. ‘n Kersgeskenk moet ‘n heerlike bederfie wees!!! ‘n lekker “nice to have”!!! Ons gaan ook massas eetgoed, lekkernye, koeldrank ens. moet insamel. Bystand hiermee sal ook waardeer word. Ek gaan weer individuele funksies hou. Verlede jaar se funksies was ‘n reuse sukses en baie meer persoonlik omdat daar kleiner getalle was. Ons het ook ‘n hele paar Kersvaders nodig!? Indien u ‘n geskenk wil borg, kan die betaling direk in ons rekening gemaak word met die vewysing: Kersfees 2008 asb . Dan weet ons waarvoor om dit aan te wend

 

Bankbesonderhede:Danville Hulp Projek

FNB  – Brooklyn

Takkode:-  251 345

Tjek rek:  620 546 34128

Swiftkode: FIRNZAJJ926

 Aflewerings adres:-

286 Cliffendale rylaan

Faerie Glen

Tel  012 991 3914    Sel  082 8282 551

E.pos  – elecnet@mweb.co.za

Webwerf:  www.danvillehulp.co.za

PS Bel asb voor jy ry

Ek droom laasnag van Deon Meyer.  Ek weet nie wat nie, maar toe ek opstaan om te gaan water drink, weet ek dis tyd om te gaan moan op sy webwerf.  Het hy dan nie ‘ophou werk’ om voltyds te begin skryf nie?  En as Steve ‘n boek in 5 weke kan skryf, hoekom vat Die Meester dan so lank…

Hy het my egter voorgespring – ek steel en cut en paste van sy webwerf www.deonmeyer.com en ek dare almal wat nognie sy boeke gelees het nie, om te gaan vir leesklasse, en dan die boeke van die eeste tot die laaste te pak.  (Leesklasse omdat ek nie kan glo enigiemand wat kan lees, het nognie ‘n Meyer boek opgetel nie!)

13 Uur

In Oktober 2008 op die rak:

Speurder-inspekteur Bennie Griessel is nugter. Een-honderd-ses-en-vyftig dae al. Maar die oproep wat hom wakker maak is die begin van 13 uur van ‘n dag wat hy dalk nie gaan oorleef nie – en hom meer as een keer na die bottel wil laat gryp.

Die storie:

Om 05:36 hardloop die vrou teen die hang van Leeukop. Sy is jonk, beeldskoon, Amerikaans – en beangs. Sy word soos ʼn dier gejag deur mans wat net ure gelede haar beste vriendin se keel afgesny het.

Om 05:43 bel hulle vir speurder-inspekteur Bennie Griessel wakker. Hy moet kom, ʼn jong meisie se lyk lê langs St. Martini, die Lutherse kerk bo in Langstraat.

Die vorige aand nog het hy gedink dit gaan vir hom ʼn spesiale dag wees: Die begin van ʼn nuwe era in sy loopbaan, as mentor van ʼn groep jong swart en bruin speurders. En hy verwag nuus oor sy bevordering. ‘Kaptein Bennie Griessel’. Dit klink vir hom reg.

Behoort ʼn redelik normale dag te wees.

Tot sy jong span polisiemense begin stry, baklei, struikel. Met die kerkmoord. Met die middeljarige, alkoholis-vrou wat haar man, ʼn groot gees in die Afrikaanse musiekbedryf, twee keer met sy eie pistool deur die hart geblaas het. Met die soektog na die Amerikaanse toeris.

Terwyl die diplomatieke telefoonlyne vuurwarm gebel word en selfs die Minister begin druk toepas, sodat die hele mentor-ding soos mis voor die son verdwyn en Griessel self moet inklim om die gemors te probeer red.

Om nie eens te praat van sy persoonlike probleme nie. Sy bankrekening lyk sleg, hy stoei nog met die dranklus, sy vervreemde vrou Anna bel uit die bloute en sê vanaand is die aand wat hulle oor die toekoms moet gesels. Weet sy van die 26-jarige rekenaartegnikus met die aansienlike borste wat hy gisteraand, in ʼn oomblik van swakheid, op sy sitkamerbank deurgedraf het?

Boonop kondig sy vriend en kollega Mat Joubert aan dat hy die SAPS gaan verlaat, en dan bel sy seun Fritz met die nuus dat hy klaar is met skool, hy gaan kitaarspeler word in ʼn rock-groep met die naam van ‘Wet & Orde’.

En indelik, net wanneer hy op die punt staan om die Amerikaanse meisie te red, skiet hulle vir Bennie Griessel. Reg in die hart.

Redelik normale dag, jou tipiese 13 Uur van Suid-Afrikaanse wetstoepassing.

 

Só begin Hoofstuk 1:

Om 05:36 hardloop sy teen die steilte van Leeukop uit, die voeteval van haar sportskoene dringend op die gruis van die breë voetpad.

Op dié oomblik, wanneer die vroeë strale van die son haar soos ʼn soeklig teen die berg vind, is sy die toonbeeld van sorgelose grasie. Van agter gesien, wip haar donker vlegsel teen die klein rugsak, haar skouers is ‘n diep sonbruin teen die poeierblou van haar T-hemp. Daar is energie in die ritmiese tred van haar lang bene in die denim-kortbroek. Sy skep die indruk van atletiese jeugdigheid – lewenslustig, gesond, gefokus.

Tot sy skielik gaan staan en oor haar linkerskouer terugkyk. Dan verbrokkel die illusie, want daar is angs in haar gelaatstrekke. En uitputting.

Sy sien nie die indrukwekkende skoonheid van die stad in die sagte lig van die opkomende son nie. Haar oë soek wild en bang na beweging in die hoë fynbos agter haar. Sy weet hulle is daar, maar nie hoe naby nie. Haar asem jaag – van inspanning, skok en vrees. Dit is adrenalien, die verskriklike drang om te leef, wat haar dwing om weer te begin hardloop, om aan te hou, ondanks haar lam ledemate, die brand in haar bors, die tamheid van ʼn nag sonder slaap en die disoriëntasie van ʼn onbekende stad, ʼn vreemde land, ʼn ongenaakbare kontinent.

Voor haar vurk die paadjie. Haar instink dwing haar regs, hoër op, nader aan die Leeukop-rotskoepel. Sy dink nie, sy het nie ʼn strategie nie, sy hardloop blindelings, haar slanke arms is die stange van die masjien wat haar aandryf.

 

Ek kan nie meer wag nie – myne is by Protea bestel en daai volgende 2 dae is my dagboek leeg gelaat.  Want ek weet hoe ek raak as ek hierdie man se boeke lees… please leave a message after the tone…

 

In my dorp werk dinge as volg:

Wanneer jy ‘n voertuig se lisensie gaan hernieu, betaal jy ‘n boete van R30, omdat die regering se e-natis stelsel ‘n flop was, en die publiek daarvoor moet opdok.  Ek wonder of dit egter vir alle Suid-Afrikaners geld.

Wanneer ek pre-paid elektrisiteit koop, word ek ‘n boete opgele van R67 omdat ek pre-paid krag koop, en die munisipaliteit nie anders van my kan steel nie.  Toe ek nog maandelikse rekenings ontvang het, was nie een maand dieselfde nie.  En soms was ek minimaal tuis, met die maksimum heffing.  Meer mense het oorgegaan op pre-paid, wat die geldkaste leeg gelaat het.  Met een of ander heffing verskoning, steel hulle dus nou weer vrylik van ons.  Maar net in SOMMIGE huishoudings.  Afhangende van jou adres.  Ander kry gratis krag eenhede, en betaal nie die heffings nie.

Nou het Dorpstraat Teater op dieselfde bandwagon gespring.  En ek het die volgende paragraaf net so uit hulle nuusbrief geneem:

” Onthou tog van die nuwe reël wat van Julie af in werking is! Ons is ‘n restaurant teater en hef  R30 p.p. wat nie voor vertonings by ons eet nie. Die kaartjiegeld van vertonings gaan direk na die kunstenaars!

Liefde en vrede vanaf die pienk bank

Michelle en Anita “

Goeie fok!  Nou word ek gestraf omdat ek nie belaglike pryse vir kos wil betaal nie.  Ek word ‘n boete opgehef omdat ek kunstenaars wil ondersteun, en nie in ‘n hokkie wil sit waar my buurman se rug teen myne skuur, en kort-kort moet vurk neersit, en opsy skuif omdat iemand wil verby kom, en ek nie hulle boude teen my agterkop wil he nie.

Wow!  Ek hoop meer mense neem van hierdie strafproses kennis, en boikot Dorpstraat.  Gaan ondersteun Klein Libertas, Oude Libertas en die HB Thom, maar daar waar my geld gesteel word, gaan ek NIE WEER NIE.

Ek kan die vermetelheid van hierdie plek nie glo nie.  Ek verlang na Hettie en haar manier van dinge doen.  Want sy sou nie sulke nonsens aanvang nie.

Dis nou nie eintlik iets wat ek sou doen nie.  Soveel keer kom daar eposse met die allervreeslikste stories by jou aan, en agterna is dit ‘n gekskeerdery.  Of dit is 5 jaar oud.

Maar vandag het ek die behoefte om te vra dat, as jy bid, jy sal bid vir Paul Germishuizen.  Hy is in sy 30’s, en was siek met griep, en die volgende oomblik het hy verlam inmekaargesak.

Hy le al vir 9 dae in die ICU in Tygerberg Hospitaal, hulle weet nie wat fout is met hom nie.  Hy is aan asemhalingstoestelle gekoppel, en gisteraand het hy koors en ‘n helse hoofpyn gehad.  Sy mond is stukkend waar die pype hom seermaak, en sy toestand verbeter nie juis nie. 

Die bestuurder van sy besigheid het my vanoggend ingelig dat sy toestand eerder verswak het. 

As jy vandag nognie dankie gese het vir jou gesondheid nie, doen dit nou.  En onthou hom wat magteloos le en stry teen iets wat hy nie ken nie.

Rassisme, Apartheid, Wandade en Onderdrukking.

 

Die heen en weer beskuldigings tussen etniese groepe in SA.  Ten spyte van Mandela se reënboognasie ideaal, en Mbeki se Afrika renaissance ontnugterings, is daar telkens mense wat, met die nodige aanhitsing uit die regte kringe, dit regkry om jare lange opbou van vertroue en uitleef van ideale, in een dag op te neuk.

 

Ek is ‘n Kapenaar.  Van die Kaapkolonie.  Ons het die see en die berge en die vrugbare Godgegewe aarde.  En die Kleurlinge/Bruinmense.  Ek weet nooit wat hulle verkies nie, want net sodra ek dink ek weet, hoor ek dit is eintlik degraderend, en hulle verkies die ander een.  Tot môre.

 

Pahad het mooi verduidelik hoe negatief die blankes is oor die feit dat SA in 2010 sokker gaan aanbied. 

 

Ek, as Witmens/Blanke/Boer wil graag verklaar dat ek van wen hou.  Dat ek trots voel wanneer ENIGE lid van die SA bevolking presteer.  En skaam en teleurgesteld voel wanneer ‘n span/individu, wat jy gedink het, ‘n goeie prestasie sal kan lewer, dit nie doen nie.

 

Die sokkerspan wat gaan speel in die toernooi in 2010, speel slegs omdat hulle land, die gasheerland van die verrigtinge is.  Hulle is pateties, kos miljoene aan afrigters wat net so power is, en is ‘n verleentheid vir my as Suid-Afrikaner om te ondersteun.  Hoekom sal ek my skaar by mislukkings?  Terwyl dit nie in my aard is nie?  Loop mens nie eerder weg van die sleg, as jy nugter denkend is nie?

 

Gister is die koerante vol van swak prestasies en skandelike gebrekke.  Natalie du Toit wat soos ‘n hond behandel is by die afgelope Spele.  Ryk Neethling wat moeg is van die onvermoëns van SA se sport administrateurs om die regte platvloere daar te stel vir sportmanne en -vroue. 

 

Is dit hoe ons sportsterre behandel word in SA?  En is dit omdat mense eenvoudig te onbevoeg is om dit te doen, of emosioneel en intellektueel net eenvoudig nie saam met die ‘groot kanonne’ van die wereld kan skiet nie, dat die hele land alweer uitgelag word oor hulle arme atlete nie net kak gelyk het in hulle Olimpiese drag nie, maar gaan naam gatmaak het!  Ek dink terug aan die professionele atlete op die aflosbaan.  Ek dink nie ek het dit eers gesien gebeur toe ek aflos op laerskool gehardloop het nie…

 

Vanoggend kla en kerm die rugby publiek, en koerante vertel dat dit 5miljoen sal kos om van die Wonder-afrigter, Pieter de Villiers, ontslae te kan raak.  Hoekom van hom ontslae raak?  Hy is mos aangestel om alles goed op te neuk!  Hoe de hel laat gaan jy die beste afrigter ter wereld, en stel so iemand aan?

 

Dank Vader dit was die Natallers wat vir Matfield en de Villiers uitgejou het, anders was die rassitiese Transvaalse boere of die rassistiese wit Kapenaars weer in die sop.

 

Terug by die Kleurlinge/Bruinmense.  JULLE, wat so graag iets wil wees, en iewers wil kom, en wat lang trane huil omdat julle voor apartheid oorgesien is, en nou weer na apartheid, en nadat julle met stokkielekkers en t-shirts omgekoop is om ANC te stem. 

 

Hoekom staan julle in massas by Nuweland met julle All Black truie en julle Kaapse aksent?  Julle is belaglik en ‘n vernedering vir julle self.  Want julle weier om agter julle land te staan, julle is lafhartig en manteldraaiers.  Hoor my lied.  Boesak en sy bende sal tot in lengte van dae stry om julle ‘n eenheid te maak, en om julle ‘n gerekende volk te kry.  Julle wil nie, want dit is makliker om te kry, as om te gee.  En om die Boer se Moer te skree as julle in groepies is.  Maar more moet die einste Boer weer jou voer.  Julle het geen selftrots nie.

 

Net soos die Witman wat nie kan saamstaan nie, net so sal julle ook vertrap bly. 

 

Dom, stupid en onbevoegde mense is aan die stuur van ons sport.  Hulle vreet hulself rolle agter in die nekke uit, gebruik die internasionale platvorm om die Witmense te na te kom, maar eintlik is dit ‘n verskoning waaragter hulle kan skuil as die Sokker Wereldbeker ‘n reuse flop is.  Want al hoe meer ambassadeurs word wreed ontnugter in hulle land.  Die land wat hulle moet bemark, en waarheen hulle onskuldige sokker-kykers heen wil lok.  Ek verwys na Mark Fish en sy vrou wat ook in hulle baie duur sekuriteitskompleks, deurgeloop het onder misdaad.

 

So, Pahad, omdat Fish wit is, en sy wenkbroue lig vir sy werk wat voorlê, is hy ook nou een van jou WITMENSE??

 

Skoor groet maar Sport in die land.  Dit is ook nou dood en begrawe.  Al die geld wat bestee word en geborg word vir ‘n geploeter, kan eerder die armes van die land, se lot help verbeter.  Maak die inwoners heel, miskien werk hulle self die siek administrateurs uit (ek is ‘n daydreamer).

TOE DIE TROMME SATERDAG die Haka op Nuweland smoor, was ek, en my hoendervleis, byna seker dat hier ‘n ding aan’t kom is.  Maar heellaas, toe nou nie. 

Die nul telling is sprekend van die stand van sake van SA sport.  Kyk, ek hou van sport kyk.  Meeste van rugby, omdat ek van kleins-af ‘n liefde het vir die manne in Streeptruie (ja-ja, spoeg, klap, skreeu en booo, ek mind nie, ek is WP, en trek nie soos die spelers, elke jaar ‘n ander provinsie se trui oor my kop nie.)

In my huis is ons hou al moedeloos gekyk vir ‘n ou medalje’tjie.  Of ‘n SA deelnemer, mind you.  Of ons bly op die verkeerde tyd die TV aansit.

Vanoggend is dit baie mooi uiteengesit op RSG – ek maak soggens klaar met die dag se slegte nuus, in Afrikaans, op RSG.  Ek kan ‘n kinderagtige breakfast radio DJ net nie so vroeg in die dag, verteer nie.  Hulle is almal een of ander wanna-bees, met skril stemmetjies en horrible musiek, maar ek dwaal af.

Die regering is direk verantwoordelik vir die stand van sake in SA atletiek.  Liggaamlike Opvoeding is uit model C skole verwyder, wat kinders met potensiaal, nie die geleentheid kan bied om iewers ‘n oog te vang nie.

Omdat LO onnies verdwyn, verdwyn atletiek afrigters, of is hulle al stok-oud. 

Ouers is te treurig om hulle kinders na sportvelde te neem om fisiese oefening te kry, hulle plak eerder die patetiese kinders voor ‘n rekenaar neer, net om onder hulle voete uit te kom.  Sodoende word ‘n generasie met ‘n krom rug, en ‘n brein van tonnelvisie geskep, wat eintlik useless is as alles nie met ‘n teelepel ingegee word nie.  Die kind leer nie self dink nie, leer nie lateraal dink nie, en kan gladnie ‘n gesprek voer as dit nie oor rekenaars gaan nie.  Dit is om van siek te word.  Ouers gee die ‘veiligheid’ van die land die skuld, maar watter moeite doen hulle om gesprekke met die kind te he, of om hom/haar aan te moedig om ‘n boek te vat, of bordspeletjies of om aktiwiteite anders as elektronika, te probeer bemeester. 

Terug by die regering:  hulle bied geen ontwikkelingskampe of opleidingsinstansies wat atlete kan afrig tot op wereldstandaard nie.

So eenvoudig soos dit.  Ons mense moet in Amerika of ander werelddele gaan opleiding ontvang, en dan kerm en beledig die regeringsamptenare as daar geen medaljes huistoe kom nie.  Ons atlete word slegter as prisoniers behandel met belaglike, in party gevalle te klein klere en die infrastruktuur rondom olimpiese etiek ontbreek duidelik.

Watter tipe swape sit en vreet ons geld op, vlieg om die opening te gaan bywoon, op my en jou koste, lag oopbek vir die kamera, en dan is dit shopping tyd in Beijing.  Bogger die res.

Maar nou ja, as jy net st.3 het, kan jy staatspresident word in die land, so die verwagtinge is dalk effe hoog!

Ek maak deesdae ‘n punt daarvan om my daily smile te kry op GOOGLE se homepage. 

Die olimpiese varkies wat daar perform, is vir my net te cute.  Dit is wonderlik hoe kreatief mense in alle aspekte van die samelewing kan wees.  En hoe entertaining die veranderende opskrif vir die webgebruiker kan wees.

Jinne, wat ‘n begin tot wat die perfekte Maandag moes wees!

Mens toer rond en kyk wie is swanger, wie is verlief, wie is laf en skielik merk jy blogs op wat nie laasmaand hier was nie.

Jy stap binne, en begin heen en weer klets, en wyl jy nog tong in die kies kommentaar lewer, met die nodige gesiggie wat knip-oog, word jy kortgeknip en gevra as jy soos jou naam se, wil kom skoorsoek, moet jy liefs nie weer hier kom nie.

Wow!  Het ek iets gemis, of is liggeraaktheid ‘n vreeslike ding onder die volk!  Ek dog nog miskien is die vrou ook aan die speel, maar ‘woep’ weg is al my comments meteens.  En dit na ‘n lekker geklets oor mieliepap en provinsialisme.

Wees gewaarsku, ou bloggers:  hier is ‘n klomp nuwes wat vir baie lank in ‘n groefie van eiewaan vasgevang was, wat reken hulle is te famous om te speel, en wat Maandae effe te liggeraak voorkom. 

As jou comments dus ewe skielik verdwyn, moenie vrees nie – ONS IS MOS DAREM NIE ALMAL SO NIE – loop maar lig daar tussen die pampoene…

Nou doen ek my naam gestand, maar sy kan bly wees sy het nie vir Vokof verkeerd opgevrywe nie!

Persoon nommer 4 in my kring van mense wat ek ken, is dood.  My ouma se laaste suster.  ‘n Paar posts ondertoe het ek die wens uitgespreek dat nommer 3 genoeg was.  Ek wil nie nog mense wat ek ken, hierdie jaar aan die dood afstaan nie.  Dis net nie lekker nie.

Rosa trip gereeld terug in die verlede, en sy skryf tog te vermaaklik aan dinge wat sy as kind ervaar het.

En hierdie week het ek nostalgies teruggedink, en ook in die proses besef dat ons al hoe meer afgestomp raak in die land van ons.

Ek onthou die Huisgenoot as ‘n vreeslike groot boek.  As kind kon ek sommer daaragter wegkruip, of so het dit gevoel.

In ouma en oupa se huis was daar 2 soorte tydskrifte.  Die Huisgenoot en die Landbouweekblad.  Daarom kan ek my kop vandag nog nie daarom kry, dat wat ek gesien het, nie in een van daardie boeke sou wees nie.

Dit was skoolvakansie, en ek was ‘n laerskool kind, seker so standerd 3.  Onthou, die Kaap was nie ‘n grade plek nie.  Ons het Sub. A en B deurgespeel, en dan die standerds begin klouter.

Dit moes voor 12 gewees het, want die son het skuins by die kamervenster ingeval, en ek was op soek na prentjies om iets mee te maak.  En onder in die kas in die kamer, het ek ‘n tydskrif uitgehaal, en begin soek na prentjies.

Die prentjies wat ek op die ou end daardie dag gevind het, het my geskud tot vandag.  Op ‘n grasperk op ‘n plaas, iewers in ‘n buurland van Suid-Afrika, het ‘n gesin gele wat geskiet is deur terroriste.  Ek onthou nie veel van die ma en pa se foto nie, maar die klein seuntjie en die sussie het swart bloed op hulle gesigte gehad.  In hulle neuse.  En hulle dooie honde het langs hulle gele.

Ek was naar.  En ek dink dit was die eerste keer dat ek gesweet het.  Dit het geprikkel onder my arms, en my oe wou nie meer fokus nie.  Ek het die boek toegeslaan, en onder in die kas ingedruk.

En vir my ma gewys toe hulle my aan die einde van die vakansie kom haal het.  En sy het belowe dat dit ver hiervandaan gebeur het.  Dat ons regering dit nie hier sal toelaat nie.  Daar is ‘n weermag wat teen die terroriste veg.  Haar broer was toe een van hulle.

En ek het my asem uitgeblaas, want jy glo wat jou ma jou se.  Maar die wit kindertjies op die groen gras met die swart bloed is nooit uitgewis uit my gedagtes nie.

Verlede naweek is twee oumense op Kleinmond vermoor.  Twee oumense wat in daardie huis van my ouma en oupa gekom het.  Wat daar gekuier het, gesels het, gelag en gedroom het.

Sinneloos, brutaal, onnodig. 

Omdat ons nie meer mense het wat teen die terroriste veg nie?  Of omdat ons nie weet hoe ‘n terroris lyk nie?

Dis siek om te dink dat mens begin se, sodra jy hoor iemand is dood:  Dank Vader dit is nie deur geweld nie.

Die sweet steek weer onder my arms, my oe blur, en ek voel naar.

My getroue laptop is Donderdag gediagnoseer met fullblown AIDS in die vorm van 50 Trojan Horses wat haar binneste betrek het, en dit oordat ek ‘n epos van Hallmark oopgemaak het, want ek was onder die indruk Skoorlief of een van my skelmpies het vir my ‘n e-poskaart gestuur.

Dit het keer en panic gekos, maar dit lyk ons het antiretrovirals gekry en kon die Trojaanse perde in hulle moer stuur (as jy skielik ‘n rekenaar bom in die vorm van 50 virusse kry, wil ek JOU taal hoor…).

As jy steeds onbeskermde kuber lopies loop, stel ek voor jy loop by twee webwerwe om vir gratis knoffel, beet en afrika aartappel.  Dit kom alles in die vorm van ‘n gratis anti-virus program, wat spyware en dies meer bevat.

Ek het tans beide op my rekenaar, en hulle gil as iets net meer verdag as Mantoe se jongste haarstyl lyk!

www.free.grisoft.com sal jou neem waar jy die free version kan download.  Amper 50 megs.  Dit is AVG se program en jy kan dit stel dat ‘n complete system scan gedoen word wanneer jy middagete het, en nie op die rekenaar werk nie.

www.avast.com/eng/avast_4_home.html sal jou neem na AVAST wat ek pas opgelaai het, en saam met AVG behoort geen rakker verby hulle te kom nie.

Beskerm jou beste vriend vandag nog – dis sleg om hulle so te sien swaarkry onder wurms en kieme in hulle binnestes.

NS:  Norton maak rekenaars geweldig stadig!  As jy daarsonder kan, vervang dit dadelik.  Dis net die Norton agente wat swaarde met my hieroor sal kruis…