Vir almal soos Emma

Om ‘n link in te sit na die Emma Dixon Projek se webwerf, sou ‘n kliek-mors wees.  ED het besluit om haar blog te sluit.

Sy het ‘n tyd gelede stil op die toneel verskyn, met harde baklei, introspeksie, retrospeksie en monoloog. 

In ons almal is daar seker een of ander tyd ‘n ED wat platgeslaan is deur die ontnugtering van iets wat uitgewerk het anders as wat ons drome daarvoor was.  Met seerkry wat so yna soos ‘n nerf-af arm aan ons kleef.

‘n ED wat glo dat die lewe nooit weer sal reg lyk uit eie oe nie.

Vandag dan ‘n spesiale gedagte vir ED en almal soos sy.  Mag jou pad ‘n Lig op kry wat jou swaar voetval die weg sal wys, sodat, wanneer jy eendag weer buite kom, jy verstom sal staan oor die koor van die natuur in jou ore, en die skielike bruising deur jou are. 

Want jy lewe.  Al voel jy nou dood.  En al voel jy dat jou lewe nooit weer sin sal he nie.

Dankie my Skoorlief dat ek teen jou stam kan terugleun en die suising deur jou are my anker en oor my eelte streel en dat ek weet jy weet wat ons weet.  Ek is maklik lief vir jou.

As jy bid…

Dis nou nie eintlik iets wat ek sou doen nie.  Soveel keer kom daar eposse met die allervreeslikste stories by jou aan, en agterna is dit ‘n gekskeerdery.  Of dit is 5 jaar oud.

Maar vandag het ek die behoefte om te vra dat, as jy bid, jy sal bid vir Paul Germishuizen.  Hy is in sy 30’s, en was siek met griep, en die volgende oomblik het hy verlam inmekaargesak.

Hy le al vir 9 dae in die ICU in Tygerberg Hospitaal, hulle weet nie wat fout is met hom nie.  Hy is aan asemhalingstoestelle gekoppel, en gisteraand het hy koors en ‘n helse hoofpyn gehad.  Sy mond is stukkend waar die pype hom seermaak, en sy toestand verbeter nie juis nie. 

Die bestuurder van sy besigheid het my vanoggend ingelig dat sy toestand eerder verswak het. 

As jy vandag nognie dankie gese het vir jou gesondheid nie, doen dit nou.  En onthou hom wat magteloos le en stry teen iets wat hy nie ken nie.

My regterhand het AIDS!

My getroue laptop is Donderdag gediagnoseer met fullblown AIDS in die vorm van 50 Trojan Horses wat haar binneste betrek het, en dit oordat ek ‘n epos van Hallmark oopgemaak het, want ek was onder die indruk Skoorlief of een van my skelmpies het vir my ‘n e-poskaart gestuur.

Dit het keer en panic gekos, maar dit lyk ons het antiretrovirals gekry en kon die Trojaanse perde in hulle moer stuur (as jy skielik ‘n rekenaar bom in die vorm van 50 virusse kry, wil ek JOU taal hoor…).

As jy steeds onbeskermde kuber lopies loop, stel ek voor jy loop by twee webwerwe om vir gratis knoffel, beet en afrika aartappel.  Dit kom alles in die vorm van ‘n gratis anti-virus program, wat spyware en dies meer bevat.

Ek het tans beide op my rekenaar, en hulle gil as iets net meer verdag as Mantoe se jongste haarstyl lyk!

www.free.grisoft.com sal jou neem waar jy die free version kan download.  Amper 50 megs.  Dit is AVG se program en jy kan dit stel dat ‘n complete system scan gedoen word wanneer jy middagete het, en nie op die rekenaar werk nie.

www.avast.com/eng/avast_4_home.html sal jou neem na AVAST wat ek pas opgelaai het, en saam met AVG behoort geen rakker verby hulle te kom nie.

Beskerm jou beste vriend vandag nog – dis sleg om hulle so te sien swaarkry onder wurms en kieme in hulle binnestes.

NS:  Norton maak rekenaars geweldig stadig!  As jy daarsonder kan, vervang dit dadelik.  Dis net die Norton agente wat swaarde met my hieroor sal kruis…

Wat maak jy met ‘n verkoue?

Die 13 000’ste kyker het die lyn oorgesteek, en ek merk dit vanoggend eers.  Ek weet nie wanneer die blog begin het nie, so ek kan nie verjaardag hou nie.  Blogging het my van vele ander dinge ontneem, maar ook vir my werelde oopgemaak.

So, happy 13 000’ste voet/vinger/muiskliek!

As jy die dag begin olik voel, en jy besef dat jy nie vanaand gesond gaan haal nie, staan uit jou stoel op, en gaan na die naaste winkel.  En apteek.  Of Clicks.

Koop ‘n boks koeksoda (ook in sulke klein pakkies te kry) en ‘n houer Viral Guard.  Moenie Viral Choice of enige own brand name produk van ‘n winkel of apteek kry nie, net Viral Guard.

Neem ‘n teelepel koeksoda, los dit in ‘n glas water op, en sluk vinnig af, gevolg deur nog ‘n glas skoon water, en twee Viral Guard pille.  3 Ure later doen jy dieselfde.  En so ook daarna. 

Jy behoort die volgende dag beter, of dieselfde te voel, maar nie sommer sieker nie.  Dis ‘n amper waarborg!  As VG nie die kieme gestuit het nie, is dit ernstiger as wat jy dink.  Gaan sien jou GP.

Die res van die boks koeksoda wat oorgebly het, gebruik jy bietjies-bietjies in die bad.  Verrig wondere vir ‘n moeg lyf.

Aankope op die internet. Duo.

So ‘n tyd gelede het ek geskryf oor internet kopies.  Hierdie is ‘n opvolg oor die gevare wat kan gebeur op die net.

Skoor is ene vir gadgets.  Nie seriously verslaaf nie, maar ek hou daarvan om te speel met tegnologie.  Terwyl sommige dinge my heeltemal verstom, en te rond is vir my plat brein, is daar ander goed wat my laat smaail, soos as ek my eie resepte kook, en net nodig het om met die sel na skoorkos te gaan om seker te maak van wat ek gebruik het om die skeppings eie te maak.  Behoede my voormense wat alles in ink neergeskryf het in die eie resepteboek van lyntjies.  Soos ‘n klaswerkboek.

Veilige webwerwe soos amazon.co.uk, en bidorbuy.co.za en kalahari.net, beskerm die verbruiker in ‘n mate teen skelm bliksems wat le en wag vir die dom verbruiker.  Maar webwerwe wat werk soos die Cape Ads koerant hier onder by ons, dit is die spasies waarvoor ‘n mens moet ligloop.

Ek is nou al ‘n geruime tyd agter die gadget:  Apple iphone, en het links en regs geswerf op soek na ‘n behoorlike kopie.  Hierdie outjie kan jou sak lekker ruk as jy nie weet dat jy kan rondshop nie.

So kry ek dan ook op gumtree.co.za ‘n hele boks vol van die fone.  En van die kopies is net te goed om waar te wees.  Een kwoteer in US Dollars, maar die location se Kaapstad, so ek stuur ‘n mail.  Iemand antwoord my, met ‘n epos adres wat bestaan uit nommers en @yahoo.co.uk.  Maar vertel my hulle is in Amerika.  Die hele brief is nie die tipe korrespondensie wat mens van ‘n maatskappy verwag nie, en hulle wil net so gou moontlik my adres he, sodat hulle hierdie wonderlike foon kan verpak en regkry vir pos.

So is Skoor hals-oor-kop aan die mails forward, dat ek reply druk, ipv forward, en die feit dat ek ‘n pel se epos moet insit, is net nie in die denke raamwerk op daardie stadium nie.

Ek maak ‘n comment.  Iets soos:  dis vir my vreemd dat ‘n maatskappy in die VSA, VK epos adresse gebruik, of is die Boerehart nou net weer te suspisieus teenoor die Pommies.

As hierdie epos aan ‘n rou Soutie gestuur is, sou dit soos Chinees klink vir die Boer.  Maar, ek kry ‘n reply wat verduidelik dat hulle ook ‘n afset het in die VK, daarom die .co.uk adres.  Wow!  Afrikaans word deesdae wereldwyd verstaan.  En steeds pols sy my nou dringend vir my epos adres – die laaste skip gaan binnekort vertrek.

Ek vra vir ‘n webadres.  Ek kry ‘n adres, maar die site is ‘onder konstruksie, want hulle berei voor vir ‘n promosie’ aldus die kuber gesprekvoerder uit die VSA.  Of is dit nou VK?  Maar ek moet asseblief SPRING met my adres, want hulle MOET die pakkie dadelik stuur.

Ek vra oor die betaling.  Sodra ek betaal, gooi hulle die pakkie in die pos.  Tjop-tjop. 

Ja, tjop-tjop is ek minus my geld, en hulle kan nie getrace word nie, want enige skelm kan ‘n epos adres opmaak.  Ek dink terug aan Stoutsus se storie met die Nigeriers (of was dit Somaliers?) wat haar amper so gevang het met haar selfoon se verkoop.

Daar is baie wolwe wat wag vir suckers wat mense goedsmoeds vertrou.  Wees maar bedag daarop.  Sal dit beter wees om R2000 meer vir iets te betaal, as om R5000 sommer eensklaps te verloor?

Die dobbelaar in my is lus om R2000 te spaar, maar dan wil ek nie regtig my kop stamp met skelms wat die Boer vir ‘n ride vat nie.

Pas maar op.

NS:  is daar van julle wat my kan se of die iphone al die moeites werd is?

Die Rok en inkopies op die net

Liewe Wille Rosa –

jou beroep om ‘n rok kiekie het op dowe ore geval, maar toe oorval die nuuskierigheid vir my vroeger jare se lyf my vreeslik, en ek loop soek daai album.  Tot my spyt is dit in storage.  So rest my soul, en rest my case, ek het eens op ‘n tyd rok gedra – vele jare terug, maar die kiekies le iewers en stof vergaar.

Groete

Skoor

 

As jy ‘n impulsiewe shopper is op die net, iets waaraan ek so byna-byna raak, dan gee ek jou graag die stukkie info vir jou toekomstige koop klieke.

Ek shop graag op amazon.co.uk – dit is veilig, en daar is gewoonlik, veral by boeke, tweedehandse kopie ook beskikbaar.  Vir boggerol geld.  Die duurste is die posgeld.

Let wel… amazon.com in Amerika, hou meestal dieselfde produk aan, maar hulle posgeld is hond duur, en die item kan jou sommer baie meer kos as jy dit van die Amerikas af kry, as van Pommie land.

Ek shop net op Bid or Buy plaaslik.  Kalahari.net is ‘n absolute ripoff.  Totaal.  Ek het noudie dag ‘n boek probeer kry op Kalahari.  Op die ou end het ek dit vir 1/3 van die prys van Engeland gekry.  Posgeld ingesluit.  Dit wil gedoen wees.  En die wagtyd is gladnie so lank nie.

Doen gerus jou shopping op amazon.  Veral as jy ‘n bank het wat jou se van elke transaksie wat op jou kaart gebeur, het jy gemoedsrus, en is jy flippen verstom oor hoe vinnig en effektief dit buite Afrika kan gaan!

HELP – as jy kan. Asseblief

Ek lees vanoggend deur ‘n nuusbrief, en daar is ‘n vooruitsig vir bitter arm oumensies om more ‘n braaivleis te he.  160 van hulle.  Mense soos jou en my oupa en ouma.  Net met niks.

En ek besluit om te antwoord op die navraag vir slaaie en vleis, maar omdat ek so ver is, wil ek sommer geld elektronies oorplaas.  En ek sms die vrou in beheer.

Weet julle wat.  Sy se nog geen donasies is vir more ontvang nie.  Daardie oumensies sit en sien uit na ‘n vleisbraai wat nognie ‘n pakkie wors sterk is nie!

En ons het NET uitgeeet die naweek.  En warm geslaap.  En TV gekyk, en rondgeloop.

Ek het my geld deponeer, en as jy dit oor jou hart kan kry om hierdie oumense te help, deponeer asseblief jou deel ook.  En as jy die brief oormore lees, deponeer steeds, want hulle het warm goed nodig vir die winter.  Komberse ens.  Jy weet mos hoe koud oumense kan kry.

Stel jouself vir een keer in hulle plek.  Jy.  Oor 20, 30, 40 jaar.  Miskien het jy nou alles.  Miskien het jy dan niks. 

Danville Hulp Projek

FNB Brooklyn

rekening nommer:  620 546 34128

takkode:  251 345

swiftcode:  FIRNZAJJ926 (vir as jy van oorsee af help)

Gaan kyk op hulle webwerf na die foto’s en die mense wat help met die bietjies wat hulle kry.

www.danvillehulp.co.za

 

Web moord?

Ek lees soggens my eposse so staande, en dan hol ek so ‘n malle draai oor ‘n paar blogs, maar die malste draai wat ek gooi, is op Platkuif en Vonkeldoos se blog, bosparra.com

Vanoggend kry ek egter ‘n error boodskap as ek daar wil in. 

Het hulle oornag besluit hulle sluit die webwerf?  Het die intelligensie polisie op Platkuif toegeslaan terwyl hy onder die stort staan en liedjies sing het, en sy laptop geneem?  Het demokrasie geseevier?  Is dit omdat hulle so uitgesproke is, en nie bang is om die walglikes, die diewe, die korruptes, die omgekooptes en die kuberkletsers aan te vat nie? 

Ai, wie van julle wil die regte storie uitvind en dit hier kom deel.

Imagine jy skakel more jou rekenaar aan, en al jou blogtjommies se blogs is nie langer beskikbaar nie!  Dit sal maar ‘n hartseer dag wees.

Ou bosparra’s, kom terug.  Waar de hel moet ek nou my daaglikse dosis lag en inligting kry? 

Hoe jy na die lewe kyk

‘n Blinde man sit op die sypaadjie.  Op sy karton wat hy teen sy lyf aandruk, het iemand vir hom geskyf:  ‘I am blind.  Please Help’

Al wat hy hoor, is die voetval van mense wat verby hom loop, sonder die geklingel van ‘n geldjie in sy bakkie.

Skielik stop ‘n man by hom, neem die karton, skryf iets op die agterkant, en stap verder.

Die blinde man hoor steeds die voetval, maar daar is nou ook mense wat geld in sy bakkie gooi – hy kan hoor dat dit munte EN note is.

Toe hy die aand by die huis kom, vra hy vir sy maat om te lees wat die man op sy karton geskryf het.  Dit lui:

It is Spring.  And I can not see the flowers.

Dankie liewe Skoorlief, dat jy die storie met my gedeel het.

Koebaai La-La

Die lewe se gordyn het gisteroggend vroeg vir my kinderjare-maatjie gesak

‘n Sak is oor die son gepluk vir haar gesin 

En ek onthou haar liefde vir lees en laatslaap. 

En hoe sy nie altyd saam met ons in die kranse wou baljaar nie.

As jy vandag ry, sit jou veiligheidsgordel aan