Om ‘n link in te sit na die Emma Dixon Projek se webwerf, sou ‘n kliek-mors wees. ED het besluit om haar blog te sluit.
Sy het ‘n tyd gelede stil op die toneel verskyn, met harde baklei, introspeksie, retrospeksie en monoloog.
In ons almal is daar seker een of ander tyd ‘n ED wat platgeslaan is deur die ontnugtering van iets wat uitgewerk het anders as wat ons drome daarvoor was. Met seerkry wat so yna soos ‘n nerf-af arm aan ons kleef.
‘n ED wat glo dat die lewe nooit weer sal reg lyk uit eie oe nie.
Vandag dan ‘n spesiale gedagte vir ED en almal soos sy. Mag jou pad ‘n Lig op kry wat jou swaar voetval die weg sal wys, sodat, wanneer jy eendag weer buite kom, jy verstom sal staan oor die koor van die natuur in jou ore, en die skielike bruising deur jou are. 
Want jy lewe. Al voel jy nou dood. En al voel jy dat jou lewe nooit weer sin sal he nie.
Dankie my Skoorlief dat ek teen jou stam kan terugleun en die suising deur jou are my anker en oor my eelte streel en dat ek weet jy weet wat ons weet. Ek is maklik lief vir jou.
Het die Kranse nog Antwoord om te gee? 
Emma, dis geen wonder dat Maxie ons verwar het nie… Dit voel asof ek amper (net amper, want jy is uniek JY) oral teen myself vasloop waar jy is.
Dit is vir my ‘n geweldige groot kompliment Emma, want Maxie sien iets raak wat ‘n gawe van God is. Mag Hy jou paaie gelykmaak en jou tienvoudig liefdevol seën waar jy jouself ook al mag bevind.
Wees gelukkig Emma en moet nooit ophou skryf nie.
Mefri
Jammer Skoor maar hierdie blokkies klou vir al wat hulle werd is aan my details.
Dis nie kodes nie LOL
Seer is seer, ne! Jammer party mense buit mens se seer uit! Sterkte Emma! Voorspoed vorentoe!!
Sjoe, Mefri, dankie… en sterkte vir jou.
Soms kom ‘n mens iemand teë vir wie jy ‘n REGTE drukkie wil gee en probeer moed inpraat.. ED is so ‘n persoon.
Emma, dis jammer dat jy jou blog gaan toemaak. Maar jy moet doen wat vir jou goed is.
My opregte wens vir jou is dat jy volkome heel sal word.
En ware, langdurige geluk sal vind.
(Met iemand wat jou werd is).
Moenie jouself te veel verwyt oor enige gevoelens wat in jou stormwoed nie.
En GLO asb dié:
He didn’t cheat because of you. He cheated because he’s a cheater.
Mooi loop Emma Dixon.
Dankie Maxie! Ek gaan ook glo wat jy hier skryf!! Dis maklik om iemand te troos, ek weet mens probeer iemand moed inpraat ens ens…. maar dis daardie alleen tye wat mens vang, wat jou kop krap….daardie ure in die nag as die slaap ontwyk, daardie herinneringe wat opvlam….
op ed! of is dit nou emma
?
😉
lovies op almal!
annie pampoem
ED = Emma Dixon, AP.
Hoe verkoop die boek???
Skoorsus, dankie is so nietig. Ek waardeer jou passievolle jy-wees geweldig.
Ek het my besluit geneem om nie langer hier rond te hang waar letters in ‘n tou om my nek wurg nie. Waar ‘n driehoek saga soos die punt van ‘n pyl deur my kern boor nie. Waar begeerte heers om telkens die nuwe rowe af te krap nie.
Hoor jy wat ek sê Tersia!
Maxie, ek glo jou slotwoorde vandag na maande se worsteling en selfverwyt. Daar is regtig geen verskoning vir ontrouheid nie. (((M))), dankie vir die warm drukkies.
Mefri, waar ‘n stroper ‘n hart geoes het en die boer die siel agterna brand gesteek het, ontkiem ‘n digter en na die reën, blom insig.
Ek gaan nou blommetjies plant, al is dit laat. Meer daaroor in my slot kommentaar op my blog.
Emma
😦
…ek is maklik lief vir jou… easily the plainest simplest most beautiful way I have EVER read of what loving should be like.
Neeeee BeeBee, ek verstaan niks ingils op Vrydae nie.
Wat seg jy?
hiehiehie 😉
Skoor, dit was nou regtig mooi en opregte van jou.
…ek is maklik lief vir jou…
Ek hou ook 100% hiervan.
opreg
Die regmaak van die fout voel meer simpel as die maak van die fout.
Emma, dankie vir jou mooi gedagtes
Die boer het nie my siel verbrand nie, inteendeel; ek is innig dankbaar vir die invloed wat hy op my menswees gehad het, want deur sy toedoen is Mefri gebore. Mefri is die ware Ek, die een wat ek onderdruk en misgeleef het.
As ons rumte skep vir die mooi en minder mooi in ander en ook in onsself, maak selfs die seerste seer en die liefste lief sin. Die boer se siel is asemrowend mooi Emma – die geur van sy menswees was meestal salf en partykeer ʼn beitel gewees, en dit hoort so.
Ons is almal vlees en bloed; niemand is volmaak nie, die lewe ook nie. Mefri is heel omdat sy wil heel wees; spyte van en as gevolg van.
W’nB – dis lekker om jou weer te sien beweeg op die blogs.