Ek was standerd 7. Ons hier in die Kaap het nie geken van grade nie, en net visse het grate. Dit was die vreemde kinders, of ‘Soppiekoppies’ uit die Transvaal wat in grade was.
My ingilse juffrou was een waarop iedere kind tot ‘n mate verlief kon raak. Dogter en seun. Sy was jonk en vol lewe met oe wat op skrefies getrek het as sy lag, en sy het altyd, en haar stem het soos klokkies geklink.
Maar toe besluit haar man hy moet buiteland toe en sy kan nie vir 4 jaar agterbly nie.
Ai, ons 15-jarige harte was stukkend.
Ek sal nooit die gevoel vergeet toe ons die eerste dag van die nuwe kwartaal vol verwagting ingilse klas toe stap nie. Watter wonderlike onderwyser sou die skool vir ons uit die mou trek? Hoe wonderlik moet hierdie nuwe mens wees om op die oue te verbeter?
Sy het langs haar tafel gestaan met ‘n oranje, gebreide pakkie aan. Romp en bo-stuk. Oranje. En sy het so ietwat na Madonna getrek hier oor die wangbene. En ek kan nie onthou of dit sy was wat die bril opgehad het, of my St. 4 juffrou met die lae hals bloese en die klein brilletjie waaroor sy geloer het nie. Ek was vir altwee bang.
Ons, soos ‘n meisie klas betaam, het giggelend, skertsend en nuuskierig die klas ingestap. Gaan sit. Gekyk. Gepraat.
En toe maak Cruella haar mond oop, en die slange wriemel op haar kop. Haar oe het vuur geskiet en uit haar mond het die suur oor ons gespat!
Sy het die vrou geken wat voor haar langs dieselfde lessenaar, soveel wonderlike stories kon opdis. Sy was seker bewus in watter chaos sy ‘n les kon laat ontaard, dit was immers haar suster se vriendin.
En sy het ons toegesnou: ‘ek soek nie maatjies nie’. Haar openingswoorde. Aan ‘n geskokte, suurdeurdrenkte spul meisies met puisies.
Ek onthou NIKS van my standerd 7 jaar se ingilse klasse nie. Ek onthou net dat ons skeitbang was vir haar, en dat niemand ooit huiswerk vergeet het, of kanse gevat het nie.
Ek sien haar nog soms in die dorp. En dan skrik ek my diff so skeef, dit vat 3 minute om weer my hartklop te stabiliseer.
Ek sien die eerste onderwyseres ook – sy is ‘n klient. Maar ek het nognooit die storie vir haar vertel nie.
Het die Kranse nog Antwoord om te gee? 
Ja, so is daar mense in mens se lewe wat indrukke maak…..! My eerste indrukke van iemand (so ongeveer 2jr terug) was..PASOP…! En nou het daardie slang my gepik, omdat ek altyd die mooi, oulik en oproeg probeer soek het! Flippen slang! Maar elke hond kry sy dag en die wiel draai!
My engelse onnie was ‘n awesome mens! die enigste reël wat hy strengstens toegepas het, was dat ons moes Engels praat in sy klas – verder was daar nie reëls nie – ons het letterlik kuier-kuier, chat-chat vir 5 jaar met vlieënde vaandels deur Hoërskool Engels ge-wizz – ek kan nie onthou dat daar één kind in daardie skool was wat swak gevaar het in die vak nie – nevermind dalk gedruip het nie. (ek het onlangs gehoor hy is oorlede en my hart het gepyn asof ek hom gister laas gesien het). Hy het ‘n poster teen sy muur gehad met ‘n arend daarop en : “Possunt quia posse videntur”. – “They are able because they think they are able”.
LoL @ Tersia! Ek het ook my vingers verbrand met sulke slange vroeger vanjaar. Mag hulle pense gou deurseil.
BB, mense wat indrukke laat, hetsy positief of negatief, het at least ‘n bydrae gelewer, ne. Mooi gedagte aan jou onnie.
Die ou heks! 👿
Ek wed jou sy’t ook nie “maatjies” gehad onder haar eie portuurgroep nie…
My Engelse onderwyseresse was nog altyd net nice en dis waar ek my liefde vir Engels-lees gekry het.
/me ♥’s English literature!
Maxie, ek dink jy kry onnies met ‘n klas-houding, en dan met ‘n sosiale houding. Sy groet altyd vreeslik vriendelik, sou sy jou in die dorp sien, maar dit laat my nie minder skrik nie. Inteendeel!
Nee gits Krista, ek kan nie eens ingils spel nie, wat nog te se van lees.
NS: Hoe kry jy die hartjie geskryf?
Daar is maar enkele onderwysers wat uitstaan as ek terugdink aan my skooldae. En dis jammer. Maar ons Engelsonderwyseres was so een. Ook die Afrikaansonderwyseres wat ons tot Std 7 gehad het. Sy was oud, met ‘n bril en ‘n bolla en sy was nogal kwaai. Maar sy was mal oor Afrikaans.
Oe Nelba, moet my nie aan die gang kry met Afrikaanse onnies nie. Ek het altyd die dinosourus se gat getref. Daai wat uit die ouetehuis gaan haal is, omdat ‘n jonger een met kraamverlof was…
Passionkillers vir die Afrikaanse Taal. Om nie van die dikke handboek te praat wat ons in Matriek gehad het nie. En die verdomde gedigte wat, volgens die onderwysdept. net EEN interpretasie gehad het.
OMW, ek moet nog daai dae uit my geheue files loop skud, ek kry sommer van voor-af horries!
Hallo Skoor
Wat ‘n lekker lees was dit nie! Dankie.
Emma
Hallo ED
🙂
Baie geluk! Jy het die Silwer Ponie gewen!
Ons het in standerd 7 so willehaar engelse juffrou gehad, sy’t eintlik net belang gestel in die Netbalseisoen en so half as “an aside” engels gegee. As ek haar nou sien sal ek haar sommer ‘n klap gee.
yuk sommige onnies kan mens heeltemal gooi vir jare daarna. een het my so met ‘n liniaal in st 6 geslaan oor wiskunde, ai.
lekke storie
Netjane – toegewyde onnies is min – ten minste kon sy netbal afrig. Of so klink dit.
RF, jy’s dan so slim, so dit kan nie wees oor jy nie geweet het nie? Jy’t seker net vergeet om jou huiswerk te doen!
Ek was in St. 4 die eerste en enigste keer met ‘n KPA liniaal bygekom op die hand. So ‘n vaal-groene. My ma se hulle onnies het die liniaal vasgehou dat die dun edge jou hand tref. Nie die plat gedeelte nie. Hoe erg is dit!
Dit IS erg, Skoor!
In std.5 is ek oor die kneukels geslaan met die snykant van ‘n liniaal, oor slordige naaldwerk in daai simpel, simpel verpligte huishoudkundeklasse.
(Dit was die 1ste vak wat ek laat staan het sodra ons kon, het dit GEHAAT).
Tot vandag toe, weier ek om selfs net ‘n soom in te sit.
O ja, en in gr 1. Want ek was links…
Bleddie sadiste.
Ek het ook ‘n gly gekry in naaldwerk Maxi – oor ons met stywe ruggies moes sit en truie brei. My ma het feitlik daardie hele trui gebrei. En ek kan net mooi ef-all onthou wat ek geleer het in die naalwerk klas.
Van huishoudkunde onthou ek hoe ek ‘n pel met ‘n glas water gegooi het, en dat my skons met die eksamen 100% perfek gerys het. Vir die res het ek niks om te wys nie. Toe st.6 klaarmaak, was ek klaar met huishoudkunde.
Jy was links….het jy toe reg(s) gekom? hiehiehie
issie waar nie ek kan nie somme doen nie skoor.
😆 Skoor!
Het met my vriendinne ‘n deal gehad: hulle doen my bak- en kookwerk in huishoudkundeklas, in ruil daarvoor doen ek hul wiskunde.
Jip, het reg(s) gekom, dankie, lol!
Maar net met skryfwerk, vir die res gebruik ek my linkerhand en dra ook my horlosie aan die regterarm soos ‘n linkshandige, linkerarm voel net nie reg nie.